Lumezi vazhdon takimet në San Francisko, merr përvojat në fushën e kompensimit të viktimave të krimit

13:42 | 28 Korrik 2017
Arbresh.info

Kryeprokurori i Shtetit Aleksandër Lumezi i shoqëruar nga kryeprokurorët e prokurorive të Republikës së Kosovës, po vazhdojnë vizitën në San Francisko të Shteteve të Bashkuara të Amerikës.

Kryeprokurori Lumezi ka takuar shefen e Agjensionit për kompensimin e viktimave Julie Nauman, ku kanë shkëmbyer përvojat e tyre në fushën e kompensimit të viktimave duke i dhënë një rëndësi të veçantë eksperiencës se qytetit të San Franciskos dhe mundësisë se aplikimit të kësaj eksperiencë në Kosovë.

Shefja Julie Nauman e ka njoftuar kryeprokurorin Lumezi me sfidat e kësaj fushe dhe i ka ofruar mbështetje për aplikimin e Ligjit të Kosovës për kompensimin e viktimave të krimit, duke përfshirë trajtimin me profesionalizëm, respektimin e të drejtës në siguri, dinjitet, jetë private dhe familjare të tyre.

Kryeprokurori Lumezi do të zhvillojë takimet edhe me përfaqësues të institucioneve tjera të drejtësisë në San Francisko, me qëllim të marrjes se përvoja të ndryshme.

Shpërndaje në rrjete sociale

Lajmet më të lexuara

Të ngjashme

Foto lajm